კომპანიის შესახებ » მეიდან ჯგუფი
უძრავი ქონების განვითარების კომპანია

მეიდან ჯგუფი

კომპანიის შესახებ

მეიდან ჯგუფი უძრავი ქონების მართვისა და განვითარების კომპანიაა, რომელიც 2000 წელს დაარსდა.

კომპანიის მიზანი

კომპანიის მიზანია თბილისის ძველ უბნებში ინვესტიციებისა და ახალი პროექტების განხორციელება რათა შენარჩუნებულ იქნას ამ ადგილების აქტუალობა თანამედროვე თბილისის ცხოვრებაში და ამასთან, არ დაიკარგოს მათი ისტორიული მნიშვნელობა, არქიტექტურული იერსახე და ტრადიციული, ეროვნული ელფერი.

კომპანიის მიერ შერჩეული ტერიტორიები ძველი თბილისისთვის დამახასიათებელი ეკლექტური სტილითა და დაარსების საინტერესო ისტორიით გამოირჩევა. ყოველ ადგილს გააჩნია თავისი ისტორია და გარშემორტყმულია თანამედროვეობით გაცოცხლებული ძველი თბილისის ტრადიციებით.



მეიდან ჯგუფის მიერ რებილიტირებული შენობები თუ ქუჩები თავისი ულამაზესი და ეგზოტიკური იერსახით ტურისტთათვის მიმზიდველი და ადგილობრივებისთვის საყვარელი ადგილები გახდა. მეიდან ჯგუფის მმართველობაში შემავალი თითოეული ობიექტი, დიდი ხანია, როგორც თბილისელთათვის, ასევე უცხოელებისთვის ბიზნესისა და კულტურული ღონისძიებების უალტერნატივო ცენტრად აღიქმება.