10 ივლისს მეიდანზე, "მეიდან ჯგუფის" მხარდაჭერით, უკვე მეხუთედ, ჩატარდა შეჯიბრება ფრანგულ ტრადიციულ თამაშში "Petanque". აღსანიშნავია ის, რომ ტურნირმა წელს გაცილებით უფრო მასშტაბური სახე მიიღო, მონაწილე გუნდების რაოდენობა გაიზარდა 20-მდე, მათ შორის, წელს პირველად მონაწილეობა მიიღო მეიდან ჯგუფმა და წარმატებულად იასპარეზა.   Petanque ფრანგული სპორტული თამაშია, სხვადასხვა ზომისა და მასალის ბურთებით. მონაწილენი რიგრიგობით ესვრიან მოზრდილ ბურთს, უფრო მომცროს, რომელსაც კოშონეტი, ანუ გოჭი ეწოდება. სასროლი ბურთი ლითონისაა, ჩვეულებრივ, ფოლადისგან დამზადებული, სამიზნე ბურთი კი ხის. მოთამაშეს 3 ბურთი ეძლევა, მონეტის აგდებით არკვევენ, ვინ იწყებს თამაშს. მომგებიანი ქულები ეწერება იმ მოთამაშეს ან გუნდს, რომლის ნასროლი ბურთიც ყველაზე ახლოს აღმოჩნდება კოშონეტთან.