8 ოქტომბერს , თბილისობასთან დაკავშირებით, "მეიდან ჯგუფის" ორგანიზებით სიონის ქუჩაზე ჩატარდა ტრადიციული „ხილის ფესტივალი", სადაც მონაწილეობა მიიღო სხვადასხვა კომპანიებმა, რომლებმაც წარადგინეს ხილისგან დამზადებულ პროდუქცია. მოსულ სტუმრებს საშუალება ჰქონდათ დაეგემოვნებინათ ხილისგან დამზადებული სხვადასხვა სახის სასმელები, მურაბები, ტკბილეული და ა.შ. სპეციალურად ფესტივალისთვის სიონის ქუჩაზე გაკეთდა ხილის დეკორაცია და მოეწყო საფოტოსესიო სივრცე მოსული სტუმრებისთვის. მათთვის დამზადდა სპეციალურად ხილის ელემენტებით გაფორმებული გვირგვინები. "მეიდან ჯგუფი" მადლობას უხდის ფესტივალში მონაწილე ყველა კომპანიას. ფესტივალი კი ერთი წლით, მომავალ თბილისობამდე დაემშვიდობა ერთგულ სტუმრებს.